Ինչպես արդեն տեղեկացրել ենք, Ազատության հրապարակի հարթակից հայտարարված երթի երթուղին անսպասելի շեղվեց: Երթի մասնակիցները անակնկալ Նար Դոսի կողմից կողմ թեքվեցին դեպի Սարի Թաղ եւ ոստիկաններին չհաջողվեց կանխել նրանց մուտքը: Սարի թաղից դեպի ՊՊԾ գունդը տանող ճանապարհ կա: Սարի թաղի բնակիչները իրենք են ճանապարհը ցույց տալիս, եւ կոչ անում մեկը մյուսին հետեւել: Ցուցարարները «Սասնա ծռեր» են վանկարկում:
Իսկ Խորենացի փողոցում գնալով ոստիկանական ավելի մեծ ուժեր են կետրոնացվում: ՊՊԾ գնդի կողմից մի քանի պայթյուն լսվեց, նաեւ կրակոցների ձայներ: Ոստիկանները շարժվում են Սարի թաղ հասած ցուցարարներին: Նրանք այստեղ էլ են պատ կազմել: Դիմակավորված ոստիկաններ էլ են եկել, 5-6 ոստիկանական ավտոբուս է ժամանել: Երեւանի փոխսոտիկանապետ Վալերի Օսիպյանն է ղեկավարում գործողությունները, նա զսպվածության կոչ է անում: Մի կին դիմեց նրան. «Սա բռնապետությո՞ւն է, թե դեկոկրատական երկիր»:
Վալերի Օսիպյանը չպատասխանեց Ազատություն ռ/կ-ի հարցին, թե ինչ պայթյուններ են տեղի ունեցել: Բախում սկսվեց ցուցարարների եւ ոստիկանների միջեւ: Կիրառվեցին հատուկ միջոցներ:
Գոհար ՀԱԿՈԲՅԱՆ
