«Ժառանգություն» կուսակցության փոխնախագահ Արմեն Մարտիրոսյանն այս պահին Ազատության հրապարակի հարթակում է եւ քաղաքացիներին կոչ է անում ֆիզիկապես ներկա գտնվել. «Մեզ այսօր պետք է ֆիզիկական մասնակցություն, հոգեկան աջակցությունից շատ շնորհակալ ենք»,-ասաց պարոն Մարտիրոսյանը հավաքվածների հետ կիսվելով իր ունեցած տեղեկատվությունը.
«Ըստ, իմ տեղեկությունների կամ ինչպես ոմանք են սիրում ասել, ըստ օդում կախված լուրերի, ՊՊԾ գնդի տարածքում աշխատում են ռուս դիպուկահարներ, ես պահանջում եմ, որ պաշտոնատար անձինք հստակ պատասխանեն` որքանով է ճիշտ այդ տեղեկատվությունը: Ոչ թե մեր հայ դիպուկահարներն են աշխատում, այլ ռուս դիպուկահարները: Թե հիմա Ալֆայից են, թե վարձկան են չգիտեմ»:
Նա ասաց, որ մարզերում էլ ժողովուրդը սկսել է ակտիվություն ցուցաբերել:
Նրա համոզմամբ, իշխանությունները ազատամարտիկների դեմ երկարաժամկետ կտրվածքով պայքարելու ճանապարհն են ընտրել. «Ամեն օր, ամեն պահի, ամեն հնարավորություն որսում են, որպեսզի վիրավորեն: Ոչ թե գրոհ են կազմակերպում, այլ հյուծիչ պատերազմ են իրականացնում: Մեր ազատամարտիկ ապստամբները բարոյական բարձր արժեք կրող անձինք են եւ դա ցույց տվեցին ոստիկաններին ազատ արձակելով: Ի հակադրություն դրան՝ իշխանությունները հերթական անգամ, երդման ուխտադրուժ եղան, բոլոր պայմանավորվածություններն ի չիք արեցին եւ նման դիպուկահար կրակոցներով փորձում են չեզոքացնել նրանց»:
Լուսինե ԲՈՒԴԱՂՅԱՆ
Նույն սցենարն է, ինչ մարտի մեկին: