«Մենք գնում ենք խորհրդարանական ընտրությունների, Հիմնադիր խորհրդարանը որպես քաղաքական ուժ արդեն իրեն ցույց էր տվել, ի՞նչն էր խանգարում հենց հիմիկվանից ակտիվ քաղաքական կոմպանիա տանել եւ տեղ գրավել խորհրդարանում ու պահանջները ներկայացնել»,- «Առավոտի» հետ զրույցում ասաց Քաղաքական ինստիտուտների և գործընթացների ամբիոնի վարիչ, դոկտոր, պրոֆեսոր Գագիկ Քեռյանը՝ խոսելով վերջին իրադարձություններից:
Մեր դիտարկմանը, թե Հայաստանում մինչեւ հիմա չեն եղել առանց կեղծված արդյունքների ընտրություններ, Գագիկ Քեռյանը պատասխանեց. «Եթե չհավատանք, որ Հայաստանում առանց կեղծիքների երբեւէ ընտրություններ կկայանան, ուրեմն պետք է միանանք ուրիշ պետության, դառնանք նրա նահանգը, մասնակցենք ա՛յդ պետության ընտրություններին ու պրծնենք, բայց քանի որ մենք պետություն ենք ստեղծել, ինչքան էլ ընտրություն կեղծվի, քայլ առ քայլ պետք է գնանք այնպիսի իրավիճակի, որ ընտրությունները դառնան նորմալ»:
Քաղաքագետի ձեւակերպմամբ, ներկայումս ցույցերի ժամանակ Ղարաբաղյան հարցի հանգուցալուծման, հողեր չտալու մասին չի բարձրաձայնվում, հրապարակ են նետվում սոցիալական խնդիրներ, մինչդեռ, նրա խոսքով. «Ի սկզբանե դա է եղել Ժիրայր Սեֆիլյանի եւ իշխանությունների առճակատման պատճառը»:
Մանրամասները՝ հուլիսի 29-ի տպագիր «Առավոտում»:
Կարդացեք նաև
Գոհար ՀԱԿՈԲՅԱՆ
Լուսանկարը՝ hetq.am-ի
