Human Rights Watch-ի Նյու Յորքի գրասենյակը մեկնաբանել է Երեւանում կատարվածը, մասնավորապես՝ երբ ոստիկանության ՊՊԾ գունդը գրաված զինված խմբավորումը որպես պատանդ է պահում բժիշկներին, որոնք իրենց մասնագիտական պարտքն էին կատարում ՊՊԾ գնդի տարածքում։
«Պատանդներ պահելը միշտ էլ հանցագործություն է, բժիշկներին որպես պատանդ պահելը միշտ էլ հանցագործություն է։ Միջազգային մարդասիրական իրավունքը վերաբերվում է պատերազմող կողմերի միջեւ պատերազմներին եւ զինված հակամարտություններին, այսպիսով՝ չի կարող վերաբերել այս իրավիճակին», Panorama.am-ին է ասել Եվրոպայի և Կենտրոնական Ասիայի տարածաշրջանային հարցերով գրասենյակի փոխտնօրեն Ռեյչլ Դենբերը:
