Լրագրողները Հիմնադիր խորհրդարանի անդամ Ալեք Ենիգոմշյանից հետաքրքրվեցին, թե ինչու համակարգող խորհուրդը չմնաց Խորենացի փողոցում հավաքված ցուցարարների հետ:
Ալեք Ենիգոմշյանը պատասխանեց. «Արդյունքը մոբիլիզացիայի առումով ոչ մի բանով չի փոխվել: Ես վստահ եմ, որ ավելի ու ավելի շատ մեր համաքաղաքացիներ կներգրավվեն այս համաժողովրդական պայքարի մեջ: Այն ինչ- որ տեղի ունեցավ երեկ հետեւյալն էր՝ երբ մենք նկատեցինք, որ կա նման սադրանք, մենք ուզեցինք ստուգել վարչախմբի մտադրությունները, եւ մեզ հստակորեն պարզվեց, որ բացի այն, ինչը տեղի ունեցավ գնդի ներսում, կա հստակ միտում սադրանքների միջոցով բախումներ, ծեծ ու ջարդ եւ բռնություններ հրահրել եւ օգտագործել նաեւ այնտեղ հավաքված ժողովրդի շրջանակներում: Եվ մենք այդ պահի լրջությունը հաշվի առնելով գնացինք այնպիսի քայլի, որ բախումը եւ սադրանքը չիրականանա»:
Ալեք Ենիգոմշյանը անդրադարձավ նաեւ Արմեն Միքայելյանի ձերբակալությանը. «Արմեն Միքայելյանի գրպանը գցել են ատրճանակ, եւ այժմ Արմեն Միքայելյանը ձերբակալված է»: Նա ընդգծեց, որ ձերբակալության պահին Արմեն Մելիքյանը եղել է իր ընտանիքի հետ, եւ Ենիգոմշյանը բացառում է, որ Արմեն Միքայելյանի մոտ զենք եղած լիներ:
Կարդացեք նաև
Ամի ՉԻՉԱԿՅԱՆ
