Սալորն արեւի տակ չորացնում են կորիզով կամ առանց կորիզի։ Վերջինս ավելի արժեքավոր է։ Սալորն առանց կորիզի չորացնելիս ընտրում են խոշոր, մսալի եւ կորիզից հեշտ անջատվող տեսակները։ Չորացնելուց առաջ պետք է միրգը լավ լվանալ։
Չորացման ենթակա պտուղները պետք է ունենան շաքարի բարձր պարունակություն եւ որոշ թթվություն։
Պտուղները տեսակավորելիս հեռացնել պտղակոթերը։
Առանց կորիզի չորացնելու համար առանձնացնել սալորի պտուղները պտղակարով, դանակի ծայրով բաժանել կորիզից եւ անմիջապես մեկ շերտով դասավորել մատուցարանների վրա։
Պտուղները ծխեցնելուց հետո դնել արեւի տակ, հետագա չորացումը կատարում են այնպես, ինչպես նկարագրված է ծիրանի դեպքում։
Կարդացեք նաև
Սալորի պտուղները կորիզով չորացնելու դեպքում նախապես խաշել։
Դեղձը չորացնում են նույն եղանակով, ինչպես ծիրանը։ Չորացնելու համար լավ է վերցնել որոշակի թթվայնություն ունեցող դեղձի տեսակներ։ Հաջող չիր դառնում են պճղովիները։
Դեղձը պետք է անպայման առանց կորիզների (ծխեցմամբ կամ առանց ծխեցման) չորացնել։ Չորացման ենթակա պտուղները պտղակարով, դանակի ծայրով բաժանել երկու մասի, եւ դանակի ծայրով հեռացնել կորիզը։ Բալը, կեռասը մատուցարանների վրա դասավորել կտրվածքով դեպի վեր։
Արեւի տակ կարելի է չորացնել բալի եւ կեռասի պտուղների բոլոր այն տեսակները, որոնք ունեն շաքարի համեմատական բարձր տոկոս եւ մսալի են։ Պտուղները տեսակավորել, հեռացնել պտղի կոթունները, խակ, փտած ու ջարդված պտուղները, հետո սառը ջրով արագ լվանալ (ցանցով սուզելով լիքը թասով ջրի մեջ)։ Մաքուր լվանալուց հետո պտուղները թեթեւակի խաշել։
Պտուղները լվանալուց եւ խաշելուց հետո փռել մատուցարանի վրա։
Բալի, կեռասի եւ հոնի չորացումը կատարվում է սալորի նման: Չորացած պտուղներր պետք է լինեն մսալի, յուրահատուկ փայլով։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
26.07.2016
