Կենտրոն եւ Նորք-Մարաշ ընդհանուր իրավասության դատարանում այսօր հետաձգվեց «լրագրողի հայցն ընդդեմ ոստիկանապետի» գործով քննությունը: www.1in.am կայքի լրագրող Սիրանույշ Պապյանը դիմել է ընդդեմ ՀՀ ոստիկանապետ Վլադիմիր Գասպարյանի`պատիվը եւ արժանապատվությունը վիրավորելու հայցով: Հիշեցնենք, ապրիլի 24-ին, Ծիծեռնակաբերդում, լրագրողի դիտարկմանը, որ ոստիկանության բարեփոխումները տեսանելի չեն, Վլադիմիր Գասպարյանը պատասխանել էր. «Ես էլ ձեր մեջ կին չեմ տեսնում»:
Հայցվորի ներկայացուցիչը միջնորդություն ներկայացրեց դատարանին`հայցի հիմքի առարկայի լրացում կամ փոփոխություն կատարելու համար հետաձգել նիստը:
Հաջորդ դատական նիստը տեղի կունենա սեպտեմբերի 2-ին, ժամը 15.00:
Նելլի ԳՐԻԳՈՐՅԱՆ
