«Ազգային համաձայնություն» կուսակցության նախագահ Արամ Հարությունյանը հիշեցնում է, որ Սերժ Սարգսյանը մարտի 1-ով է եկել և հայտարարեց, որ չէր ուզենա` արյունով էլ հեռանա:
«Նոյյան տապան» մամուլի սրահում Արամ Հարությունյանն արդարացրեց «Սասնա ծռեր» խմբի տղաների արարքը` վստահեցնելով, որ ժողովրդի 99 տոկոսը նրանց կողքին է. «Եթե «Սասնա ծռերի» հենարանը ժողովրդի ավելի քան իննսուն տոկոսն է, ապա իշխանությունների, մասնավորապես Սերժ Սարգսյանի հենարանը Լևոն Տեր-Պետրոսյանն է գաղափարական իմաստով և մի քանի մտավորականներ, որոնք ծրարով փող են ստանում նախագահական նստավայրից: Նույնիսկ քաղաքական ուժերն են մանևրում. և՛ Դաշնակցությունը, և՛ այլ ուժեր, որոնք կոալիցիայի մեջ են»:
Դառնալով «Սասնա ծռեր» տղաների արարքին` պարոն Հարությունյանը նշեց. «Մեղադրել չենք կարող տղաներին, նրանք հերոս տղաներ են, և պահանջը նրանց ժողովրդի 99 տոկոսի պահանջն է: Պետք է կարողանանք տեր կանգնել այդ պահանջներին»:
Արամ Հարությունյանի տպավորությամբ` այժմ Սերժ Սարգսյանը քայլ չունի անելու:
Կարդացեք նաև
«Ազգային համաձայնություն» կուսակցության նախագահը վստահ է, որ եթե ՊՊԾ գունդը անգամ առանց գրոհի վերցնեն , որտեղ ողջ ժողովուրդն է կանգնած, ապա ամեն ինչ շարունակվելու է և ունենալու անկանխատեսելի հետևանքներ:
Արամ Հարությունյանի կարծիքով `այս պարագայում բացասական է նաև ՀՀ առաջին նախագահ Լևոն Տեր-Պետրոսյանի դերակատարությունը. «Լևոն Տեր-Պետրոսյանը 2008-ին ևս մարտի մեկից առաջ ևս նպաստեց Սերժ Սարգսյանի` իշխանության մնալուն: Չեկավ Մյասնիկյանի արձանի մոտ: Փետրվարին նամակի տեսքով գնաց Սերժ Սարգսյանի հետ երկխոսության, ապրիլյան պատերազմին ևս Սերժ Սարգսյանի հետ գնաց երկխոսության»:
Դառնալով Սերժ Սարգսյանի հրաժարականի պահանջին` պարոն Հարությունյանը կասկածանք հայտնեց` թույլ կտա՞ ն նրան հրաժարական տալ, քանի որ հազիվ գտել են մի մարդ, որն ինչի տակ ուզում են, ստորագրում է:
Տաթև ՀԱՐՈՒԹՅՈՒՆՅԱՆ
Լուսանկարը` «Նոյյան տապան»-ի
