Քիչ առաջ Խորենացի փողոցում, «Սասնա ծռերի» կողմից գրավված ՊՊԾ գնդի հարակից տարածքում էր Վիկտոր Գրիգորի Բենինչյանը: Նա ներկայացավ իբրեւ մարշալ Բաբաջանյանի քրոջ թոռ եւ «Մեծն Տիգրան» ջոկատի հրամանատար Արմենակ Արմենակյանի տեղակալ:
Ըստ ազատամարտիկի, իրեն երեկ 17.20-ի սահմաններում ոստիկանները ծեծել են այն բանի համար, որ նա ցանկացել է մտնել ՊՊԾ գնդի տարածք եւ հորդորել Պավլիկ Մանուկյանին`վայր դնել զենքերը, քանի որ «հայը հայի դեմ չպիտի դուրս գա»:
Ըստ մեր զրուցակցի, ինքը փորձել է ճեղքել ոստիկանական պատնեշը եւ ներս մտնել, այդ պատճառով էլ իրեն քաշքշել են, հետո հետեւից խփել: Նրան տեղափոխել են Էրեբունի հիվանդանոց: Գիշերն այնտեղ է անցկացրել, առավոտյան տեսել է, որ իրեն լավ է զգում, կրկին եկել է:
Ասաց, որ ոստիկաններն այսօր իրեն լսել են, խոստացել են Վլադիմիր Գասպարյանին փոխանցել իր միջնորդական առաքելության ցանկությունը եւ պատասխան տալ իրեն: Մեր զրուցակիցը պնդում է, որ միջնորդական առաքելություն իրականացնել իրեն խնդրել է ԼՂՀ փոխվարչապետ Արթուր Աղաբեկյանը:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
այո, հայը հայի դեմ չպիտի դուրս գա, հայը հային պիտի ծեծի, լաաաաավ ծեծի, սատկացնի…իսկ դե քցելը, թալանելը, կողոպտելը, նվաստացնելը…սովորական ամենօրյա բաներ են, որ հայը պիտի հային անի, ոնց մուսուլմանը նամազը…. էս բիձեն էլ լավա չներկայանար…