«ՊՊԾ գնդի ստեղծված իրավիճակի հետ կապված բանակցությունները կարելի է բաժանել 2 մասի: Առաջին մասը զինված այս իրավիճակից ազատվելն է՝ զենքերը վայր դնել եւ այլն, որը տեխնիկական մասն է: Բայց ինչ կարելի է փոխել միջավայրի առումով»,-այսօր աշխարհաքաղաքական նոր մարտահրավերներին Հայաստանի դիմակայման ռեսուրսների մասին քննարկման ժամանակ ասաց ԵՄԱ նախագահ Բորիս Նավասարդյանը:
Նա վկայակոչեց հանրահավաքի ժամանակ Ժուռնալիստների «Ասպարեզ» ակումբի նախագահ Լեւոն Բարսեղյանի ելույթը՝ ասելով, որ մինչ այդ՝ նախորդ օրերին չէր երեւում որեւէ մոդել, որով կարելի էր շարժվել. «Երեկ հնչեց, որ լուծումը կարող է լինել այն երաշխիքները, որը կարող է տալ իշխանությունը հայ հասարակությանը: Ապստամբներին չի կարելի տարանջատել հասարակությունից: Բանաձեւը լուծման կայանում է նրանում, որ հասարակությունը եւ ապստամբները ստանան երաշխիքներ, որ այս երկրում ինչ-որ բան փոխվելու է»:
Հարցին՝ խոսքո՞վ պետք է տա երաշխիքներ՝ Բորիս Նավասարդյանը պատասխանեց, որ երաշխիքները պետք է լինեն հստակ. «Եթե նման երաշխիքներ ստեղծվեն, դա այն հանգուցալուծումն է, որը դուրս կբերի այս իրավիճակից հաղթած: Մնացած բոլոր դեպքերում մեր հասարակությունը պարտված է դուրս գալու»:
Հռիփսիմե ՋԵԲԵՋՅԱՆ
