«Ժառանգության» անդամ Արմեն Մարտիրոսյանը ողջունելով Խորենացի փողոցում այս պահին հավաքված քաղաքացիներին, իր բացման խոսքում հույս հայտնեց, որ հասարակությունը «շատ արագ կհամախմբվի եւ շուտով տղաներին ծափողջյուններով դիմավորելու հնարավորություն կունենան»:
Ըստ պարոն Մարիտիրոսյանի, «այսօր իշխանություններն անցել են տոտալ գրոհի եւ փորձում են ահաբեկել քաղաքացիներին»:
«Փորձում են օգտագործել տեխնիկա, տեղեկություններ կար, որ այդ ուղղաթիռները ռուսական ռազմաբազայից են գալիս: Նույնիսկ ասացին, որ Կադիրովը պատրաստակամություն է հայտնել տղաների դեմ կռվելու համար չեչեններ ուղարկել»:
Արմեն Մարտիրոսյանը իշխանություններից պահանջեց, որպեսզի հրապարակային հայտարարություն անեն, որ Հայաստանում որեւէ օտար զինվոր, օտար զինտեխնիկա չի օգտագործվելու:
«Կան ինքնազոհ ազատամարտիկներ, որոնք պատրաստ են իրենց կյանքի գնով մեր հայրենիքը ոտքի կանգնեցնել, կա ժողովուրդ, որը պետք է տեր կանգնի իր երկրին եւ իր ազատամարտիկ ապստամբ զավակներին, կա խորը ճգնաժամի մեջ գտնվող երկիր: Միայն միասնական ժողովուրդ է, որ կարող է ապահովել հաղթանակ»: Ի պատասխան, հնչեցին` հաղթանակ, հաղթանակ:
Կարդացեք նաև
Արմեն Մարտիրոսյանի խոսքերով, արդեն 8-րդ օրն է, որ «Սասնա ծռերի» տղաների լույսը, ջուրը անջատված է, սնունդ ու բուժծառայություն չունեն:
Հայտարարությամբ պահանջեցին մինչեւ ժամը 23:00-ն լուծել «Սասնա ծառերի» կենցաղային հարցերը:
«Սերժ Սարգսյանի վարչախումբը տալով 800 հեկտար տարածք 100-ից ավել զոհ, «Սասնա ծռերի» կյանքն էլ որեւէ արժեք չի ներկայացնում: Այդ ապստամբությունը ճնշելու համար Սերժ Սարգսյանը պատրաստ է զոհաբերել այդ տղաներին եւ երիտասարդ ոստիկաններին»,-ասաց պարոն Մարտիրոսյանը: Ըստ նրա. «Թափված յուրաքանչյուր կաթիլ արյան, յուրաքանչյուր խեղված ճակատագրի համար պատասխանատու է Սերժ Սարգսյանը»:
Նա դիմեց միջազգային կազմակերպություններին, Կարմիր Խաչին դիվանագիտական կառույցներին, որպեսզի բանակցությունների միջոցով հարցը լուծվի:
Լուսինե ԲՈՒԴԱՂՅԱՆ
Վերնագրի հետ կապված: Եթե չներկայացնեք հղումը, որ Կադիրովը պատրաստ է չեչեններ ուղարկել, ապա դա անպատասխանատու հայտարարություն է եւ զրպարտություն: Ինչ ի նկատի ունի Ա. Մարտիրոսյանը չեչեններ ասելով: ՌԴ քաղաքացիների, որոնք ապրում են Չեչնիայո՞ւմ, թե էթնիկ չեչենների, որոնք նվիրված են ՀՀ իշխանություներին շատ ավելի, քան ՀՀ ոստիկանները ու դրա համար պատրաստ են ուրիշ հայերի արյուն թափել: Ի՞նչ եք ուզում, դուք գոնե հասկանում ե՞ք:
Կադիրովի չեչենները։ Էն որ Նեմցովին սպանեցին։ Հիշեցի՞ր։