«Այս պայմաններում՝ կարծում եմ՝ բոլորն են հասկանում, որ նախագահի հրաժարականը իրատեսական չէ»,- հուլիսի 25-ին «Պոստ սկրիպտում» մամուլի ակումբում լրագրողների հետ հանդիպման ընթացքում ասաց քաղաքագետ Հայկ Մարտիրոսյանը:
Նա նշեց, որ իշխանության ձեռքին հաղթաթղթեր կան՝ այլեւս ոստիկանները ՊՊԾ գնդի տարածքում չեն, այնտեղ միայն զինյալներն են, որոնք շատ ավելի խոցելի են. իշխանությունը կորցնելու բան այլեւս չունի այդ առումով: Քաղաքագետը համարում է՝ չնայած իրավիճակի հանգուցալուծմանը իշխանությունը սարսափելի թուլանալու է:
«Դատելով ներկայիս վարքագիծը, հատկապես՝ ուժային կառույցներից եւ քաղաքական ղեկավարության հայտարարություններից՝ ակնհայտ է դառնում, որ անհրաժեշտ դասեր չեն քաղվել: Քաղվել են վնասակար դասեր, եթե կարելի է դա դաս անվանել: Պետք է իշխանությունը հասկանա, որ թեկուզ իր շահերից ելնելով պետք է գնալ զիջումների, որովհետեւ այս պարագայում զիջողության գնալը խելքի եւ ուժի նշան է»,- ասաց նա:
Կարդացեք նաև
Հայկ Մարտիրոսյանի կարծիքով՝ տարածքների խնդիրը եղել է այս բողոքի դրսեւորման հիմքերում. «Բայց չեմ կարծում՝ դա միակ գործոնն է. դա երկար տարիների լարվածության արդյունք է, որի խողովակը իրենք գտել են այս տեսքով: Տարածքների խնդիրն այսօր ամենաարդիական խնդիրներից է, որը չի կարող դուրս մնալ բողոքի որեւէ դրսեւորման շրջանակներից»:
Ամի ՉԻՉԱԿՅԱՆ
Եթե ինչ որ խաղաղ ավարտ էին ուզում, գոնե կենսական պայմաններից չպիտի զրկեին …
Մարդիկ կարող էին չէ գեներալներին գոնե հաց ու ջրի հետ փոխեին, բայց իրենք չիջան այդ մակարդակին: