2016թ. հուլիսի լույս 16-ին Թուրքիայում զինվորական ձախողված հեղաշրջման փորձից հետո այդ երկրի վարչապետ Բինալի Յըլդըրըմն անդրադարձել է Թուրքիայում ստեղծված իրավիճակին։ Այս մասին տեղեկացնում է «Ջիհան» լրատվական գործակալությունը։
Խոսելով Թուրքիայի իրավիճակի մասին՝ Յըլդըրըմն ասել է. «Պետական կառույցներում, ԶՈւ գլխավորությամբ, լուրջ վերակառուցում իրականացնելու կարիք կա։ Ժողովրդավարացման համար քայլեր կան, որոնք անհրաժեշտ է կատարել, այս ընթացքում դա էլ կավարտենք»։
Խոսելով զինվորական հեղաշրջման փորձի հետևանքով Թուրքիայի կրած տնտեսական վնասների մասին՝ Յըլդըրըմն ասել է, որ դրանք համեմատական են 2015թ. նոյեմբերի 24-ին ռուսական ինքնաթիռի խոցումից հետո Թուրքիայի տնտեսությունում առաջացած ճեղքին։
Յըլդըրըմն ասել է նաև, որ ստեղծված իրավիճակում չի քննարկվում արտահերթ ընտրություններ անցկացնելու հարցը և առաջիկա 4 տարիներին իրենք նախատեսում են կատարել ժողովրդի առջև ստանձնած պարտավորությունները, որ իրենց է վստահվել ընտրությունների միջոցով։
Կարդացեք նաև
Վարչապետ Բինալի Յըլդըրըմն անդրադարձել է նաև Թուրքիայում հայտարարված արտակարգ դրությանը, նշելով, որ անհրաժեշտության պարագայում այն կարող է երկարաձգվել։
