Ադրբեջանի Սահմանադրական դատարանը հավանություն է տվել և Ադրբեջանի Սահմանադրությանը համապատասխան է համարել այդ երկրի նախագահ Իլհամ Ալիևի առաջարկած Սահմանադրության փոփոխությունների ծրագիրը։ Այս մասին տեղեկացնում է Trend լրատվական գործակալությունը։
Կայացված որոշման մասին հայտնել է Ադրբեջանի Սահմանադրական դատարանի ներկայացուցիչ Ֆարհադ Աբդուլաևը՝ նշելով, որ երկրի մայր օրենքի փոփոխությունների նախագիծը կարող է դրվել համաժողովրդական քվեարկության։
Նոր փոփոխություններով նախատեսվում է, որ Ադրբեջանում նախագահը կարող է պաշտոնավարել 5-ի փոխարեն 7 տարի։ Փոփոխությունների ծրագրով Ադրբեջանի խորհրդարանի պատգամավոր ընտրվելու իրավունք են ձեռք բերում 18 տարին լրացած անձինք։ Նախկինում Ադրբեջանի մեջլիսի պատգամավոր կարող էին ընտրվել 25 տարին լրացած անձինք։
