Ադրբեջանի Սահմանադրական դատարանը սկսել է այդ երկրի Սահմանադրության փոփոխությունների նախագծի քննարկումները, որով նախատեսվում է երկրի նախագահի լիազորությունների ժամկետը 5 տարի ժամկետից բարձրացնել 7-ի։ Այս մասին տեղեկացնում է ռուսական «ՌԻԱ» լրատվական գործակալությունը։
Ադրբեջանում Սահմանադրության հնարավոր փոփոխության մասին խոսել է իշխող «Նոր Ադրբեջան» կուսակցության գործադիր քարտուղարի տեղակալ Սիավուշ Նովրուզովը։ Նրա խոսքերով՝ Սահմանադրության փոփոխության մասին հանրաքվեն նախատեսվում է անցկացնել ընթացիկ տարում, իսկ դրա համար աշխատանքները կմեկնարկեն Սահմանադրական դատարանի համապատասխան որոշումից հետո։
