Դերասանուհի Լալա Մնացականյանը, երբ տեսել է, որ «Սասնա ծռեր» խմբի անդամները այն տղաներն են, որոնց, ըստ նրա՝ պարտական ենք, որ այժմ Արցախ ունենք, հասկացել է, որ պետք է նրանց կողքին կանգնել:
«Հայելի» ակումբում լրագրողների հետ հանդիպմանը օրինակ բերելով Պավլիկ Մանուկյանին` դերասանուհին նշեց, թե ոչ մեկն իր երեխային իր հետ չէր տանի, ինչպես արեց Պավլիկ Մանուկյանը. «Եթե դու քո զավակին տանում ես քեզ հետ, նշանակում է` դու այլևս ոչ մի ելք չես տեսնում»:
Ըստ Լալա Մնացականյանի` իրեն հուսահատեցնում է լռությունը. «Այն նամակը, որ գրել էին Ժիրայր Սեֆիլյանին, նույն այդ նամակը կհղեի ՀՀ նախագահին: Այնտեղ կան բառեր` անսալով բանականությանը…ինչո՞ւ չեք խոսում, երկու մարդ կա` մեկն ունի հարցադրում, մյուսն ի պաշտոնե պարտավոր է պատասխանել: Ինչո՞ւ չեք պատասխանում, ինչո՞ւ չեք ուզում գնալ բանակցությունների: Սպասում եք, որ կրքերը կհանդարտվե՞ն… Եթե արյունահեղություն լինի, դա մնալու է նախագահի խղճին»:
Այս իրադարձությունները Լալա Մնացականյանը կապում է Արցախի հողերը հանձնելու խնդրի հետ. «Եթե մի թիզ հող հանձնենք, անընդհատ ենք հանձնելու»:
Կարդացեք նաև
Տաթև ՀԱՐՈՒԹՅՈՒՆՅԱՆ
