«Մենք շատ լավ գիտենք իշխանությունների հարգանքը ինչպիսին է հասարակության մեջ: Սա էլ բավական է՝ որոշ իշխանավորներին դաս լինելու»,- այսօր Խորենացի փողոցում մեզ հետ զրույցում «Սասնա Ծռեր» զինված խմբի շուրջ իրադարձությունների հետ կապված ասաց ազատամարտիկ Մանվել Եղիազարյանը՝ Արաբոյի Մանվելը
Նա առաջարկում է մտավորականներից, ազատամարտիկներից, հասարակական շարքերից ստեղծել 9-10 հոգանոց մի խումբ եւ նստել որոշել ելքը ստեղծված իրավիճակում. «Իշխանությունները պետք է հասկանան, որ արդեն բանը բանից անցել է, ժողովուրդը վերքով է մոտենում ամեն մի օրենքի անգամ: Իշխանությունները պետք է զիջեն բավականին, որովհետեւ այս դեպքերի համար ամենամեծ մեղքը իշխանությանն է: Այդ տղաներին ժողովուրդը հանցագործ չի համարում»:
Մեր դիտարկմանը՝ Սասնա ծռեր խմբի պահանջն է Սերժ Սարգսյանի հրաժարական,Սեֆիլյանի ազատ արձակում, որն իշխանությունները մերժել են՝ նա ասաց, որ տարբերակներ շատ կան, թող ցրեն կառավարությունը, ԱԺ-ն. «Այդ մարդիկ Սերժ Սարգսյանի անձնական թշնամիները չեն, այդ տղաները այս իրավիճակի թշնամիներն են, ամենաթողության թշնամիները: Մարդիկ հոգնել են: Երբ առավոտյան մայրը վեր է կենում, սառնարանը բացում է, տեսնում է երեխային կերակրելու բան չունի, դուք պատկերացնո՞ւմ եք նրա ներսում ինչ է կատարում»:
Մեր դիտարկմանը՝ պիտի զենքը վերցնի ու գնա պատա՞նդ պահի՝ նա արձագանքեց. «Զենքը չվերցնի, կամ ոչխարի պես մորթվի, կամ քացի-քացի անի, երկուսից մեկը: Հիմա մարդիկ կան, ուզում են ստրուկի պես ապրել ու մեռնել սոված, այդ տղաները ուրիշ ճանապարհով են գնում»:
Կարդացեք նաև
Մեր հարցին՝ աշխատո՞ղ տարբերակ է՝ Մանվել Եղիազարյանը պատասխանեց՝ այո. «Պետք է գոնե կառավարությունը ցրեն, ԱԺ-ն, որ ժողովուրդը մի քիչ իրեն լավ զգա»:
Մանվել Եղիազարյանը վստահ է՝ եթե նույնիսկ այս դեպքերն էլ չեզոքացվեն, մեկ այլ դրվագ է լինելու. «Սա շարունակական է, մարդիկ հոգնել են: Եթե մի մարդ, անգամ ամենաթույլ մարդը ուզենա իր կյանքի գնով վրեժխնդիր լինել, նա ամենաուժեղին էլ կհաղթի»:
Մեր հարցին՝ Դուք կապի մե՞ջ եք «Սասնա Ծռեր» խմբի ձեր ազատամարտիկ ընկերների հետ՝ Մանվել Եղիազարյանը պատասխանեց, որ կարող է կապի մեջ լինել, բայց չի լինում, որ չասեն՝ իրենց ջրաղացին ջուր է լցնում եւ թեժացնում իրավիճակը. «Տղաների հետ Աստված մի արասցե ինչ-որ վատ բան պատահի՝ ինձ չմեղադրեն, դրա համար ես ձեռնպահ եմ մնում կապի մեջ լինելուց, բոլոր կապերը հսկողության տակ են: Ես էլ նոր մարդ չեմ հայաստանյան իրականության մեջ, շատ լավ գիտեմ»:
Հռիփսիմե ՋԵԲԵՋՅԱՆ
ԱՅՍ ԻՐԱՎԻՃԱԿԸ ԵԹԵ ՀԱՆԿԱՐԾ ՈՉ ՑԱՆԿԱԼԻ ԱՎԱՌՏ ՈՒՆԵՆԱ ԻՇԽԱՆՈՒԹՅՈՒՆՆԵՐԸ ԿՍՏԱՆԱՆ ՈՉ ԹԵ ՔԱՂԱՔԱՑԻԱԿԱՆ ՊԱՏԵՐԱԶՄ ԱՅԼ ՊԱՌՏԻԶԱՆԱԿԱՆ ԴՐԱ ԴԵՄ ՀԱՍՏԱՏ ԱՆԶՈՐԵ ԱՆԳԱՄ ԱՄԵՆԱ ԲՌՆԱՊԵՏ ԻՇԽԱՆՈՒԹՅՈՒՆԸ
Արդեն Ժամանակն է ՈՉ ՑԱՆԿԱԼԻ ԱՎԱՐՏԸ կանխելու։
Հայեր, ոտքի։!!!