2016թ. հուլիսի լույս 21-ի գիշերը Թուրքիայում հայտարարված 3 ամիս տևողությամբ արտակարգ դրության մասին խոսել է այդ երկրի վարչապետ, իշխող «Արդարություն և զարգացում» կուսակցության ղեկավար Բինալի Յըլդըրըմը, հաղորդում է թուրքական «Սաբահը»։
Յըլդըրըմն իր խոսքում մասնավորապես ասել է. «Արտակարգ դրությունը մեր ժողովրդի առօրյա կյանքին չի վերաբերում, այն վերաբերում է պետական մեխանիզմների արագ կարգավորմանը»։
Շարունակելով իր խոսքը՝ Յըլդըրըմը կրկին հնչեցրել է թուրքական իշխանությունների կոչը, որով հորդորում են բնակչությանը չլքել հրապարակները, որպեսզի հնարավոր չլինի ռազմական հեղաշրջման նոր փորձեր կատարել. «Դուրս եկեք հրապարակներ, հրապարակները մի լքեք»։
