«Տղերքը պետք է զենքը վայր դնելու նախաձեռնություն ունենան, այդ քայլը շատ բարձր կդասենք եւ շատ կհարգենք»,-Ոստիկանության ՊՊԾ գունդը գրաված եւ պատանդառություն իրականացրած «Սասնա ծռեր» զինված խմբին այսպիսի կոչով է դիմում կոմպոզիտոր Ռոբերտ Ամիրխանյանը:
«Պատրաստ կլինեի ինքս գնալ իրենց մոտ եւ ասել` զենքը վայր դրեք, առաջին քայլը դուք արեք եւ ասեք, որ գալիս եք երկխոսության: Պետք է փորձենք միջնորդ լինել` երկխոսություն կառուցելուն նպաստելու համար: Հայրենիքում խնդիրներ կան, բայց դրանք լուծել է պետք` համաձայնությամբ եւ նպատակային գործունեությամբ: Ես նրանց համար մի սիրուն երգ կգրեի, բայց կասեի` խելացի եղեք, դա չէ ճանապարհը, մեկի արյուն թափվելը մեր ազգային վիշտն է»,-այսօր «Հենարան» մամուլի ակումբում ասաց կոմպոզիտորը:
Նա նշեց, որ երազում է այս մղձավանջն ավարտվի. «Չեմ կարող որեւէ մեկին իր քայլի համար մեղադրել, բայց նայեք չորս կողմը` քանի՞ երկիր է ուրախացել այս իրադարձության համար: Միաժամանակ, կարծում եմ` մտահոգ երիտասարդներին մտահոգությունն է բերել այդ իրադարձության կատարմանը: Զենքը պետք է իջեցնել, ապա դիմել նաեւ իշխանություններին: Մարդ է մահացել, մարդիկ են արյունոտվել: Չեմ կարող համարել, որ դա նորմալ է: Նման կերպ օգուտներ չեն լինում, պետք է զենքը մի կողմ դնել»:
Կարդացեք նաև
Լուիզա ՍՈՒՔԻԱՍՅԱՆ
Մի վարկաբեկեք Ձեզ, պարոն Ամիրխանյան: Եթե Ձեր քաղաքացիական քաջությունը պակաս է, ապա լռելը իմաստություն կհամարվեր: