Հայաստանի Հանրապետության Արմավիրի մարզում քամուց եւ կարկտահարությունից տուժած համայնքների բնակիչներին աջակցելու նպատակով Արմավիրի մարզպետարանին 2016 թվականի ինն ամսում բյուջեի պահուստային ֆոնդից կհատկացվի 21 միլիոն 875.0 հազար դրամ: Այսօր կառավարության նիստում այս մասին ասաց Տարածքային կառավարման եւ զարգացման նախարար Դավիթ Լոքյանը:
Կառավարության պահուստային ֆոնդից Գեղարքունիքի մարզպետարանին 2016 թվականի ինն ամսում կհատկացվի 15 միլիոն դրամ: Այդ գումարից Անտառամեջ համայնքին բաժին կընկնի չորս միլիոն դրամ՝ 4.5 կմ մարզային նշանակության ճանապարհի վերանորոգման նպատակով: Կալավանին՝ 7կմ մարզային նշանակության ճանապարհների վերանորոգման նպատակով էլ կհատկացվի 6 միլիոն դրամ:
Կարճաղբյուր համայնքի ներհամայնքային նշանակության ճանապարհների վերանորոգման նպատակով կառավարությունը կհատկացնի 5 միլիոն դրամ:
Դավիթ Լոքյանն ասաց, որ բանկերի հետ բանակցել են տուժած գյուղացիների վարկերը հետաձգելու համար:
Կարդացեք նաև
Լուսինե ԲՈՒԴԱՂՅԱՆ
