Վարչապետ Հովիկ Աբրահամյանն այսօր մինչ կանցներ կառավարության նիստի օրակարգում ընդգրկված հարցերի քննարկմանը, անդրադարձավ երկրում ստեղծված իրավիճակին: Նրա խոսքերով, իրավիճակը խիստ մտահոգիչ է եւ իշխանությունն ամեն ինչ անում է եւ անելու է՝ հասնելու դրա խաղաղ հանգուցալուծմանը:
Վարչապետը ցավակցեց գնդապետ Արթուր Վանոյանի ընտանիքին հարազատներին: Հովիկ Աբրահամյանի խոսքերով. «Հուլիսի 17-ին մի խումբ զինված անձիք հարձակում են գործել ՀՀ ոստիկանության պարեկապահակային ծառայության գնդի տարածքի վրա եւ վերցրել պատանդներ, սպանվել է ոստիկանության գնդապետ:
Մեր բոլորի անունից թույլ տվեք ցավակցել գնդապետ Արթուր Վանոյանի ընտանիքին, հարազատներին, նրա զինակից ընկերներին: Այն ինչ տեղի ունեցավ պարեկապահակային ծառայության գնդում անթույլատրելի է եւ դատապարտելի, բռնությամբ անհնար է հասնել իրական փոփոխությունների, այն վտանգավոր եւ անհեռանկար գործընթաց է»:
Լուսինե ԲՈՒԴԱՂՅԱՆ
Բարի լույս տղեք, աչքներդ կպել էր, թե խոպան էիք գնացել???