Արդեն չորրորդ օրն է, ինչ Հայաստանում տիրում է աննախադեպ, վերջին 25 տարիներին նմանը չունեցող պայթյունավտանգ վիճակ, որն առաջացել է «Սասնա Ծռեր» նախաձեռնության կողմից ոստիկանության ՊՊԾ գնդի գրավումից հետո:
Չեմ ուզում խոսել այն մասին, թե ինչ ինչքան լարված էր այդ անցած օրերի ամեն վայրկյանը, քանզի դրանցից յուրաքանչյուրը կարող էր դառնալ աննկարագրելի իրադարձության՝ հայկական յաթաղանի սկիզբը: Այս իրավիճակի մասին տեղյակ է Հայաստանի և աշխարհի բնակչությունը՝ փոքրից մինչև մեծ, բացի Հայաստանի քաղաքական գործիչ կոչվող էակներից, որոնք՝ կարծես բոլորը միաժամանակ մահացել են, քանզի նրանց արթուն լինելու ոչ մի նշաններ չկան (բացառությամբ՝ Նիկոլ Փաշինյանի, Զարուհի Փոստանջյանի և Արմեն Մարտիրոսյանի):
Ցանկացած ընտրությունից առաջ ձեզ պատռում եք, թե իբր պատրաստ եք ձեր կյանքը զոհել հանուն ժողովրդի, բա ո՞ւր եք այս ճակատագրական պահին, երբ ամեն վայրկյան հնարավոր է այդ նույն ժողովրդի արյունը հեղվի…:
Բա ո՞ւր եք չքացել…:
Կարդացեք նաև
Բա, 6 ամիս հետո ընտրություն է լինելու, բա ո՞նց եք մասնակցելու…: Ի՞նչ է, երկնքի±ց եք իջնելու…
Եթե մեր ժողովուրդը մոռանա այս ճակատագրական իրավիճակը և այդ մարդկանցից որևէ մեկին ձայն տա, ուրեմն հազար ամոթ… և այդքանից հետո աշխարհը նման ժողովուրդ չի ճանաչի…
Անանիա ՄԱՂԱՔՅԱՆ
Քաղաքագետ, «Ժողովրդավարություն և ընտրական գործընթացներ» միջազգային կենտրոն ՀԿ նախագահ
