Ծաղկաձորում մեկնարկած «Լավագույն մարզական ընտանիք 2016» մրցույթի եզրափակիչ փուլի երկու մրցաձեւերի ավարտից հետո կայացած բացման տոնական շքերթի ժամանակ գլխավոր կազմակերպիչ եւ պատասխանատու Խաչիկ Ասրյանը ողջունելով եւ շնորհավորելով մասնակից 144 ընտանիքներին՝ տեղեկացրեց, որ «Լավագույն մարզական ընտանիք» մրցույթը ամենամասսայական եւ ամենակայացած մարզական միջոցառումն է Հայաստանում եւ Արցախում:
Բացման արարողության ժամանակ կայացավ նաեւ մրցույթի երկրորդ փուլում հաղթած ընտանիքների դրամական պարգեւատրումը: Վերջում տեղի ունեցան նախապատրաստական աշխատանքներ՝ նվիրված մրցույթի հուլիսի 23-ին տեղի ունենալիք փակման հանդիսավոր արարողությանը:
Աշոտ ՀԱԿՈԲՅԱՆ
