«Ոսկե ծիրանի» միջազգային կինոփառատոնի առիթով Երեւանում էր բեռլինաբնակ մեր հայրենակից Ստեփան Գանտրալյանը, որը դերասան է, երաժիշտ, ու ինչպես «Առավոտի» հետ զրույցում ինքն է ասում՝ տարբեր բաներով է զբաղվում: Նա դստեր՝ Անուշ Սիմոնի հետ նկարահանվել է Բեռնար Մանժանտի «Ճանապարհորդություն Անատոլիայում» ֆիլմում, որը վերջերս ցուցադրվեց երեւանյան փառատոնի օրերին: Վավերագրական ֆիլմի հերոսները աշխարհի տարբեր անկյուններում ապրող 7 հայեր են, որոնց նախնիները ցեղասպանության վերապրածներ են:
Ցեղասպանությունից մեկ ամբողջ դար անց հայաստանյան տուրօպերատորները հատուկ փաթեթ են առաջարկում այն մարդկանց, որոնք ցանկանում են այցելել Թուրքիայի ներկայիս տարածքում գտնվող իրենց պապենական հողերը: Այս նոր նախաձեռնությունից ոգևորված ռեժիսոր Բեռնար Մանժանտը յոթ ուղեկից է հավաքում Հայաստանից, Թուրքիայից ու Եվրոպայից և ավտոբուսով ուղեւորվում դեպի Արևելյան Անատոլիա: Ֆիլմը պատմում է Ռեմոնի, Աննայի, Հակոբի, Մելիսայի, Ջոանի, Ստեփանի և Անուշի արկածների մասին այն հողերում, որտեղ մինչև 1915-ը ապրում էին իրենց նախնիները…
Իսկ թե ինչպես է 36 տարեկանում հայտնվել «դրսում» եւ ինչ դժվարությունների միջով է անցել Ստեփան Գանտրալյանը, մինչեւ կարողացել է ոտքի կանգնել, կարդացեք հուլիսի 20-ի տպագիր «Առավոտում»:
Գոհար ՀԱԿՈԲՅԱՆ
Լուսանկարը՝ Ստեփան Գանտրալյանի ֆեյսբուքյան էջից
