Տեղի ունեցածը մեծ ցավ է, ու մեծ խնդիր մեր երկրի համար: Այն հարյուրավոր այլ չլուծված խնդիրների արտացոլումն է, որոնք չպետք է լինեին, և դրանցում մեղավորները ցանկացած դեպքում պատասխանատվություն են կրելու մարդկանց ու Աստծո առաջ:
Մեծ ցավ ենք ապրում խաղաղ պայմաններում զոհի և տուժածների առկայության առթիվ: Ցավակցում ենք զոհված սպայի ընտանիքին, իսկ վիրավորներին մաղթում ենք շուտափույթ ապաքինում:
Ամենավտանգավորն այս իրավիճակում այն է, որ հասարակության մոտ իրավիճակի առթիվ կան տարբեր ընկալումներ, մինչդեռ դրանք պիտի լինեին շատ միանշանակ: Բնկչության զգալի մասի մոտ կյանքի որակի անտանելիությունը ստիպում է ցանկացած առիթ օգտագործել սեփական ցասումն ու զայրույթը արտահայտելու համար: Եթե իրավիճակը մեր երկրում լիներ նորմալ՝ ապա բոլոր իրավիճակներն ու երևույթները կունենային համապատասխան գնահատականներ: Ցավոք չլուծված պրոբլեմը ծնում է նոր պրոբլեմ, իսկ երկարատև, զանգվածային ու անելանելիության զգացում առաջացնող խնդիրները՝ առաջացնում են արդեն լուրջ ու այլ մակարդակի խնդիրներ:
Երկրում իրավիճակը լարված է, և եթե դա չի դրսևորվում անընդհատ՝ ապա չի նշանակում, որ այդպես չէ, և իշխանությունների խնդիրն է հասկանալ, որ հասարակության տարբեր ներկայացուցիչներ պարբերաբար կարող են դրսևորել այդ լարվածությունը: Նույնիսկ հակաօրինական ձևերով:
Կարդացեք նաև
Արդարություն տվեք մարդկանց, ապրելու հնարավորություն ու հույս, եթե ուզում եք, որ հանցագործությունը չդառնա պրոտեստի միջոց:
«Ալյանս» կուսակցության նախագահ, ԱԺ պատգամավոր` Տ. Ուրիխանյան
