«Հուսալքությանը գումարվել են շրջանների հանձնման մասին խոսակցությունը, անմեղ մարդկանց ձերբակալությունները: Ժիրայր Սեֆիլյանի ձերբակալությունը «գլխեց» այս ամենը: Հետո ասում են ահաբեկչական ակտ է: Չեմ հասկանում՝ մարդկանց համբերությո՞ւնն են փորձում»,- Ազատության հրապարակում քիչ առաջ Aravot.am-ի հետ զրույցում, ոստիկանության ՊՊԾ գնդի վրա զինված հարձակում կատարած եւ պատանդառություն իրականացրած անձանց գործողություններին այսպիսի բնորոշում տվեց դերասանուհի, ռեժիսոր Թամար Հովհաննիսյանը՝ Մհեր Մկրտչյանի նախկին կինը:
Նա համոզմունք հայտնեց, որ Ժիրայր Սեֆիլյանը, Վարուժան Ավետիսյանը, Պավլիկ Մանուկյանը, Գագիկ Եղիազարյանը չափազանց կիրթ անձնավորություններ են. «Ես հասկանում եմ՝ այն իրավիճակը, որով նրանք գնացին այդ քայլին, որովհետեւ ինչպես ասում են՝ ուրիշ ճար չկար: Կարծում եք նրանք ուղեղի ժամանակավոր մթագնո՞ւմ են ունեցել, կամ ժամանակավոր խելագարության մե՞ջ են հայտնվել: Ոչ նրանք հավասարակշռված, կիրթ մարդիկ են: Նրանք գնացին այդ քայլին, որովհետեւ չէին տեսնում այլ ելք:
Հավելենք, որ Ազատության հրապարակում շարունակվում է քաղաքացիների խաղաղ հավաքը:
Լուիզա Սուքիասյան
