«Ոչ ոք իրավունք չունի առանց պատճառի մարդկանց բերման ենթարկել` ցանկացած իրավիճակում: Պետք է մարդուն բերման ենթարկելու պատճառ լինի: Այլապես դրանք անօրինական գործողություններ են»,-Aravot.am-ի հետ զրույցում ասաց «Իրավունքի եւ ազատության կենտրոն» հասարակական կազմակերպության ղեկավար, իրավապաշտպան Վարդան Հարությունյանն` անդրադառնալով Ազատության հրապարակում խաղաղ ցուցարարներին առանց պատճառաբանության բերման ենթարկելուն :
Սա, ըստ մեր զրուցակցի, հերթական անգամ խոսում է այն մասին, որ բերման ենթարկողները չեն պատկերացնում, որ իրենք պետություն են ներկայացնում. «Բերման ենթարկողներին թվում է թե իրենք բանդա են եւ ում ցանկանան, ինչպես ցանկանան եւ երբ ցանկանան` կարող են պատժել: Սա պետության մասին պատկերացում չունենալ է նշանակում»:
«Կուզենայի որպեսզի արյունահեղություն չլիներ: Որեւէ զոհ արդարացված չէ, որ կողմից էլ որ լինի»,- սա էլ իրավապաշտպանի` իրավիճակից ելքի միակ ցանկությունն է: Թե ի՞նչ կլինի, նրա կարծիքով, մոտ ժամանակներս, հավանաբար, մինչեւ վաղը:
Հարցին` զինված հարձակում իրականացրած անձինք իրենց գործողությունները տարբեր հարցազրույցներով համարում են իշխանության վարած քաղաքականության հետեւանք . դա արդարացնո՞ւմ է նրանց արարքը, իրավապաշտպանն ասաց. «Իհարկե, մարդիկ գնացել են ծայրահեղ քայլերի, որովհետեւ, իրենց կարծիքով, այլ ճանապարհ իշխանությունները չեն թողել, բայց, կարծում եմ, որ միշտ հնարավոր է գտնել այլ ճանապարհ»:
Կարդացեք նաև
Նելլի ԳՐԻԳՈՐՅԱՆ
