Քիչ առաջ Գյումրու ոստիկանության Կումայրի բաժնից ազատ արձակեցին ազգագրագետ, Գյումրիի մանկավարժական ինստիտուտի դասախոս Արտաշես Բոյաջյանին: Թե ինչու էին ոստիկանները նրա տուն այցելել ու հրավիրել բաժին, պարզվում է Արտաշես Բոյաջյանը դեռ Նախախորհրդարանի ժամանակ մի անգամ մասնակցել է ժողովի: Արտաշես Բոյաջյանն ասաց, որ հենց դա էին ճշտում ոստիկանությունում:
Ըստ նրա, իր հետ շատ հարգալից են վարվել ներսում:
Այս պահին Կումայրի բաժնում մնացել են երկու հոգի` Եղիշե Շարյանը`Ժառանգություն կուսակցության անդամ: Նրան 9 ժամ ապօրինի պահում են ոստիկանությունում, ակտիվիստներն արդեն իսկ ահազանգել են մարդու իրավունքների պաշտպանին: Ոստիկանությունում է գտնվում նաև Սևակ Խաչատրյանը` Կաղնուտ գյուղից:
Կարդացեք նաև
Ոստիկանության Մուշ բաժին են տարել Գյումրիի մանկավարժական ինստիտուտի դասախոս Արմեն Ներսիսյանին, որը անցած տարի մասնակցել էր հոսանքի թանկացման դեմ բողոքի ակցիաներին:
Նունե ԱՐԵՎՇԱՏՅԱՆ
