Թուրքիայի աշխատանքի և սոցիալական ապահովության նախարար Սուլեյման Սոյլուն անդրադարձել է 2016թ. հուլիսի 15-ի լույս 16-ի գիշերը Թուրքիայում տեղի ունեցած զինվորական հեղաշրջման փորձին։ Այս մասին տեղեկացնում է թուրքական «Զամանը»։
Խոսելով հեղաշրջման փորձի մանրամասների և հնարավոր կազմակերպիչների մասին՝ Սոյլուն ասել է. «Հեղաշրջման հետևում կանգնած է ԱՄՆ-ն։ Այնտեղ լույս տեսնող մի քանի պարբերականներ մի քանի ամիս է գործողություններ էին ծավալում։ Տարիներ շարունակ մենք ուղերձ ենք հղում ԱՄՆ-ին՝ Ֆեթուլլահ Գյուլենի մասին։ ԱՄՆ ստիպված է մեզ հանձնել Գյուլենին»։
Հիշեցնենք, որ Ֆեթուլլահ Գյուլենը, որին թուրքական իշխանությունները մեղադրում են զինվորական հեղաշրջման փորձը կազմակերպելու մեջ, 1999թ. բնակություն է հաստատել ԱՄՆ-ում։
