«Հեղաշրջման փորձը տապալվեց, որովհետեւ մարդիկ չէին աջակցում զինվորականներին»,- Aravot.am-ի հետ զրույցում, անդրադառնալով Թուրքիայում տեղի ունեցած հեղաշրջման փորձին, ասաց Կանաչների եւ ձախակողմյանների կուսակցության հիմնադիր, նախկին պատգամավոր Ուֆուկ Ուրասը:
Մեզ հետ զրույցում նա հույս հայտնեց, որ Թուրքիան հնարավորություն կունենա վերականգնել ժողովրդավարության չափանիշները. «Էրդողանը իր ձեռքն է վերցրել վերահսկողությունը եւ կոչ է անում մարդկանց պաշտպանել ժողովրդավարությունը հակաժողովրդավարության փորձերից: Թուրքիայի խորհրդարանում բոլոր կուսակցությունները այսօր հայտարարությամբ են հանդես եկել, որով պաշտպանում են ժողովրդավարությունը: Չնայած այն հանգամանքին, որ զինվորները բանտում են, դեռ որոշակի ռիսկեր կան Այստեղ նման գործողությունների ավանդույթ կա:
Բայց առաջին անգամն է, որ Մեջլիսն է ռմբակոծվել, եւ մեդիան պաշտպանել է ժողովրդավարական ռեժիմին: Որոշ խմբերը փորձել են Արդարություն եւ զարգացում կուսակցության ղեկավարած կառավարությունը հաղթահարել ժողովրդավարության սահմաններից դուրս, բայց դա անհեթեթություն է: Մեր Կանաչների եւ ձախակողմյանների կուսակցությունը որպես սկզբունք հայտարարել է, որ մենք պաշտպանում ենք ժողովրդավարությունը նման ֆաշիստական փորձերից»:
Ամի ՉԻՉԱԿՅԱՆ
Կարդացեք նաև
