Թուրքիայի փոխվարչապետ Նուման Քուրթուլմուշն անդրադարձել է Լեռնային Ղարաբաղին՝ նշելով, որ Թուրքիան չի ճանաչում Ղարաբաղի հայկական բռնազավթումը։ Այս մասին տեղեկացնում է թուրքական «Հաբերլեր» լրատվական գործակալությունը։
Քուրթուլմուշն ասել է, որ Ղարաբաղում առկա մշակութային ամբողջ ժառանգությունը պատկանում է Ադրբեջանին և նշել է, որ իրենք, որպես Թուրքիա, ամեն ինչ անում են այս թեմայով Ադրբեջանին աջակցելու համար. «Մենք, որպես երկիր և որպես ժողովուրդ, ոչ մի կերպ չենք ճանաչում Ղարաբաղի հայկական բռնազավթումը և ցանկացած ամբիոնից հայտարարում ենք, որ Ղարաբաղը Ադրբեջանի մի մասն է, և որ ադրբեջանցիները այդ հարցում բախվել են մեծ անիրավության»։
