«Թուրքիայում 34 տարի է՝ այս գործն ունենք: Պստիկ ֆաբրիկ մը ունինք»,- այսօր «Երիտասարդ գործարարների ֆորումի» մասնակիցներից մեկը՝ Օնիկ Կոլուփսայանը լրագրողների հետ զրույցում պատմեց Թուրքիայում կաշվե պայուսակների եւ կաշվե իրերի, աքսեսուարների արտադրության իր բիզնեսի մասին:
Նա ասաց, որ նույն բիզնեսը Հայաստանում է ուզում դնել:
Հարցին՝ դուք գիտե՞ք Հայաստանում գործարար միջավայրն ինչպիսին է՝ նա պատասխանեց. «Ոչ, բարեկամներ ունինք, անորմե պիտի սորվինք»:
Հարցին՝ մտավախություններ չունե՞ք, որ ինչ-որ մեկը կգա ձեզ կասի՝ եկեք 50-50 անենք ձեր բիզնեսը, կասի՝ ձեր բիզնեսի կեսը ինձ տուր, որ աշխատես, ռիսկեր չկա՞ն՝ գործարարը չըմբռնեց, թե այս ի՞նչ 50-50-ի մասին են հարցնում լրագրողները: Նա ասաց. «Մենք՝ գործարարներս, արդեն ռիսկով կաշխատինք Թուրքիային մեջ: Հայ ըլլալնիս միայն ռիսկ է: Մենք հայ ըլլալով՝ այնտեղ պստիկ խումբ մըն ենք, սիրիացիները այնտեղ ավելի շատ են»:
Կարդացեք նաև
Գործարարն ասաց, որ ուրիշ անունով են արտադրում իրենց ապրանքները, պատենդ են անում եւ ցույց չեն տալիս, որ հայ են ու հայկական ապրանք է, որ վաճառվի:
Հռիփսիմե ՋԵԲԵՋՅԱՆ
