Կեղեւով եփված կարտոֆիլի մեջ պահպանվում են ոչ միայն վիտամինները, այլեւ կալիումական աղերը, որոնք կանոնավորում են սրտի աշխատանքը
Կարտոֆիլի օգտակարության մասին հաճախ է խոսվում: Կարտոֆիլի բաղադրության մեջ մտնում է 77 տոկոս ջուր, 20 տոկոս ածխաջրեր, 2-3 տոկոս ազոտային նյութեր, բջջանք, ճարպեր, վիտամիններ, սպիտակուցներ, միկրո-մակրո տարրեր։ Այն պարունակում է նաեւ կարոտենոիդներ, որոնք օգտակար են սրտի եւ մի շարք ներքին օրգանների համար: Սակայն կարտոֆիլը բարձրացնում է գլյուկոզայի մակարդակը, եւ նրա չարաշահումը հանգեցնում է ճարպակալման: Ճարպակալումն էլ իր հերթին՝ ճնշում է կատարում սրտի վրա:
Օգտակարությունն էլ ավելի պահպանելու համար կարող եք հետեւել կարտոֆիլը եփելու մի քանի կանոնի:
Նորահաս կարտոֆիլը հեշտությամբ կմաքրվի, եթե ջրով լվանալուց հետո լցնեք գործվածքե տոպրակի մեջ, ավելացնեք նաեւ խոշոր աղ, տոպրակի բերանը կապեք եւ մի քանի րոպե գլորեք սեղանի վրա:
Որպեսզի կարտոֆիլը մաքրելիս ձեռքերը չսեւանան, պետք է մինչեւ այդ ձեռքերը թաթախել քացախի մեջ եւ թողնել, որ այն չորանա` առանց սրբելու:
Մաքրած կարտոֆիլը եփել եռացրած ջրում, այն կպահպանի C վիտամինի 35 տոկոսը, իսկ սառը ջրում` կպահպանի ընդամենը 7 տոկոսը:
Կեղեւով եփված կարտոֆիլի մեջ պահպանվում են ոչ միայն վիտամինները, այլեւ կալիումական աղերը, որոնք կանոնավորում են սրտի աշխատանքը եւ ռիթմը:
Կեղեւած կարտոֆիլը չի սեւանա, եթե պահվի աղաջրի մեջ:
Որպեսզի աղցանի համար եփած կարտոֆիլը չգունափոխվի, եփվելուց 10-15 րոպե հետո ջրի մեջ մի քիչ քացախ լցրեք, իսկ որպեսզի համաչափ եփվի, լվանալուց հետ ծակծկեք պատառաքաղով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
14.07.2016
