Օրերս «Հետք»-ն անդրադարձել էր որոշ նախարարների, փոխնախարարների եւ նրանց հետ փոխկապակցված անձանց թանկարժեք նվերներին, նկատելով, որ այդ նվիրատվությունները բարձրաստիճան պաշտոնյաներն իրենց անուններով չեն գրանցում:
Ըստ «Հետքի»-ի հրապարակման եւ բարձրաստիճան պաշտոնատար անձանց հայտարարագրերի, 2014թ.-ից հետո, երբ Արմեն Մուրադյանը ստանձնեց առողջապահության նախարարի պաշտոնը, նրա ընտանիքը նվեր է ստացել մոտ 43 000 ԱՄՆ դոլար: 2014թ.-ին Արմեն Մուրադյանի կինը՝ Ելենա Ամիրխանյանը, նվեր է ստացել 15 հազար ԱՄՆ դոլար, իսկ 2015-ին՝ եւս 10 հազար: 2014-ին 4,3 մլն դրամի նվեր է ստացել նաեւ նախարարի մայրը՝ Լիլիա Չիլինգարյանը, իսկ դուստրը՝ Գայանեն, նույն տարում ստացել է 4 հազար ԱՄՆ դոլար, իսկ հաջորդ տարում՝ եւս 5000 դոլար:
Այսօր կառավարության նիստից հետո լրագրողների հետ ճեպազրույցում առողջապահության նախարար Արմեն Մուրադյանը հստակեցրեց թանկարժեք նվերների աղբյուրը:
Aravot.am-ը Մուրադյանին խնդրեց պարզաբանել՝ թե ի՞նչ նվիրատվություններ են եւ արդյոք նախարար դառնալուց առաջ է՞լ էր նրա ընտանիքը նման նվերներ ստանում:
Կարդացեք նաև
«Սիրով ձեզ հետ կկիսվեմ, եթե այդքան հետաքրքրում է իմ ընտանեկան խնդիրները»,-ասաց Մուրադյանը:
«Կնոջս ամբողջ ընտանիքը 95 թվականից բնակվում է ԱՄՆ-ում: Մայրը, քեռին, լուսահոգի տատիկը, նրանց ընտանիքները ստեղծվեցին, եւ կարծում եմ՝ տարեկան մեկ անգամ ե՛ւ քրոջը, ե՛ւ իրենց զարմիկներին կարող են նվեր անել»:
Մանրամասն՝ տեսանյութում
Նելլի ԲԱԲԱՅԱՆ
