Այսօր «Սահմանադրական Իրավունք Միություն» կուսակցության կենտրոնական գրասենյակում տեղի ունեցավ կուսակցության նախագահության նիստ, որը վարում էր ՍԻՄ նախագահ Հայկ Բաբուխանյանը: Ի թիվս այլ հարցերի քննարկվեց նաեւ Գյումրի քաղաքում տեղական ինքնակառավարման մարմինների ընտրություններում ՍԻՄ մասնակցության հարցը:
ՍԻՄ Շիրակի մարզային կառույցի ղեկավար Գագիկ Նիկողոսյանը ներկայացրեց կուսակցության մարզային կառույցի դիրքորոշումը, ըստ որի ՍԻՄ Շիրակի մարզային կառույցը ողջունում է Գյումրիի գործող քաղաքապետ Սամվել Բալասանյանի թեկնածության շուրջ դաշինքի ձեւավորումը:
Քննարկումների արդյունքում ՍԻՄ նախագահությունը որոշեց` Գյումրի քաղաքում քաղաքապետի եւ ավագանու առաջիկա ընտրություններին մասնակցել` որպես քաղաքապետի թեկնածու պաշտպանելով ՀՀԿ թեկնածու, գործող քաղաքապետ Սամվել Բալասանյանի թեկնածությունը` ընդգրկվելով Ս.Բալասանյանի շուրջ կազմավորվող քաղաքական դաշինքի կազմում: Միաժամանակ դաշինքի կազմում ակտիվորեն մասնակցել նախընտրական աշխատանքներին:
Կարդացեք նաև
ՍԻՄ ՄԱՄԼՈ ԾԱՌԱՅՈւԹՅՈւՆ
