Ինչպես հայտնի է, Հռոմի պապի՝ Գյումրու Վարդանանց հրապարակում պատարագ մատուցելու օրը ոստիկանները Գյումրու Շահումյան փողոցում, տեսնելով հրապարակ մտնելու հերթ կանգնած Շահեն Հարությունյանին, նրան բերման էին ենթարկել: Ըստ Շահեն Հարությունյանի, պատճառը եղել է այն, որ ինքը իբրև թե չի ենթարկվել ոստիկանության օրինական պահանջին. այն է՝ երթևեկելի գոտուց դուրս չի եկել: Նշենք, որ այդ օրը փակ էին Գյումրու հրապարակին հարակից 16 փողոցներ ու երթևեկությունը դադարեցված էր:
ԻնչևԷ, Հռոմի պապի այցից հետ Շահեն Հարությունյանին բաց են թողել: Շահեն Հարությունյանի պատմելով, ինքը վերնաշապիկի տակ պահել էր մի պաստառ, որտեղ գրված էր «Ազատություն Շանթ Հարությունյանին եւ բոլոր քաղբանտարկյալներին»: Այսինքն` նրա ասելիքը Հռոմի պապին հենց սա էր:
Aravot.am-ը Շահեն Հարությունյանից հարցրեց՝ ի՞նչ տեղեկություններ ունի, Հռոմի պապին հասե՞լ է իր բողոքն առ այն, որ Հայաստանում քաղբանտարկյալներ կան: «Ասում են, որ տեղ հասել է Հռոմի պապին, թեև իմ պայքարի երեք տարիների ընթացքում այնպես է դարձել իմ մոտ, որ մինչև աչքովս չտեսնեմ, չեմ հավատա, բայց հետևյալն են հիմնավորում, որ պաշտոնատար անձը, այն էլ Հռոմի պապի մակարդակով մինչև իր գալը որևէ երկիր, ուսումնասիրում է տվյալ երկրի քաղաքական, սոցիալական ու բոլոր իրավիճակները: Բացի դրանից էլ՝ եթե իր հետ կապված որևէ իրադարձություն է տեղի ունենում այդ երկրում, իրեն զեկուցում են: Իսկ իմ նկարը ցույց տվեցին հեռուստատեսությամբ ու ոստիկանության տարածած հաղորդագրությունը, որ կասկածելի բան ենք նկատել նրա մոտ, ձերբակալել ենք՝ հաշվի առնելով նախկինում նրա խուլիգանական վարքագիծը, ոստիկանի նկատմամբ անհանդուրժող իրավիճակը: Իմ պարագայում հանրային հեռուստաընկերությամբ ու մյուս հեռուստաընկերություններով ցույց են տվել, ո՞նց կարող է այս տեղեկությունը Հռոմի պապին հասած չլինի, այսպես են հիմնավորում, այս իրադարձությունը հենց Հռոմի պապի հետ է կապված:
Ասեմ, որ այս անգամ մենակ էի եկել Գյումրի, առավոտ ելա, ուսումնասիրեցի տարածքը շատ շուտ ու փաստորեն ես գնացել էի հենց այն փողոցը, որտեղից որ եկավ Հռոմի պապը, ինձանից 9-10 մետր հեռավորության վրա անցավ, ես չկարողացա ոչ մի բան անել, իր մեքենան շատ դանդաղ մի 10 մետրի վրա անցավ: Ես մեքենայի մեջ էի, եթե այդ մեքենան հետևի դուռ ունենար, ես կարող էի բացել, միգուցե և ջարդեի, դուրս գայի, իմ խոսքը տեղ հասցնեի, բայց մեքենան երկու դռնանի էր, դիմացից մարդիկ…»,- ասաց Շահեն Հարությունյանը:
Կարդացեք նաև
Նա ասաց, որ այս դեպքից հետո ոստիկանությունում իրեն շատ «բարեկամաբար» նշել են, որ ինքն այլևս չի կարող մասնակցել որևէ պաշտոնական, հանրային միջոցառման, անգամ հրավիրատոմս ունենալու կամ տոմս գնելու դեպքում: «Ես սև ցուցակ եմ ընկել, թեև ոստիկանները իրենց բերանով էին նշում, որ այս գործը աբսուրդ է, ինքը մեղավոր չէ: Ինձ նախազգուշացումը տվեցին ու ասին՝ ի՞նչն ես առարկում, ես գրեցի «Կեցցե այն Հայաստանը, որ վաղն է գալու». Մովսես Գորգիսյան ու տակն ավելացրեցի «Կեցցե այն Հայաստանը, որը մենք ենք բերելու»:
Նունե ԱՐԵՎՇԱՏՅԱՆ
«Կեցցե այն Հայաստանը, որ վաղն է գալու». Մովսես Գորգիսյան «Կեցցե այն Հայաստանը, որը մենք ենք բերելու»:
ՀԱՅԻ ԱՆԿՈՏՐՈՒՄ ՏԵՍԱԿԸ