«Հիմա փորձում է հզորանալ»,-ասում է ԲՀԿ-ական պատգամավորը
«Կա հրավեր եւ պատասխանատվություն ընկերոջ նկատմամբ: Որպես քաղաքական ուժի ներկայացուցիչ` պարտավորված եմ զգում մասնակցել: Դա արդեն ձեւավորված քաղաքական մշակույթ է»,-այսօր «Ռեֆորմիստների» նորաստեղծ կուսակցության համագումարի ժամանակ լրագրողների հետ զրույցում ասաց ԱԺ ԲՀԿ խմբակցության պատգամավոր Արայիկ Աղաբաբյանը:
Նրա կարծիքով` եթե կա պահանջ, թող ստեղծվեն նոր կուսակցություններ. «Եթե ստեղծում են, երեւի թե կա նման պահանջ, եթե մարդիկ համախմբված են, թեկուզ մի քանի հոգի, ուրեմն դա պահանջ է»:
Հարցին` ԲՀԿ-ից բան մնա՞ց, Աղաբաբյանը հակադարձեց, թե` ԲՀԿ-ն հզոր ուժ է, ամեն ինչ էլ ունի եւ գործում է. «ԲՀԿ-ն համարվում է հանրապետությունում 2-րդ քաղաքական ուժը»: Հարցին` Գագիկ Ծառուկյանի ժամանա՞կ էր կուսակցությունն ավելի հզոր, պատգամավորի պատասխանը դրական եղավ: «Ոք չի բացառի, որ այն ժամանակ հզոր էր, հիմա էլ փորձում է հզորանալ: Իմ կարծիքով` հասարակության կարծիքը ԲՀԿ-ի հանդեպ չի փոխվել: Անկախ ամեն ինչից` բոլոր կուսակցություններն էլ փորձելու են հզորանալ, ինչքան ներուժ ունեն` փորձելու են ներդնեն: Յուրաքանչյուր կուսակցություն իր տեղն ունի քաղաքական դաշտում և մյուսին թուլացնելու խնդիր չկա»,-հավելեց Արայիկ Աղաբաբյանը:
Կարդացեք նաև
Նա նաեւ կարծիք հայտնեց, որ նախկին ԲՀԿ-ականներից ստեղծվելիք կուսակցություն այլեւս չկա:
Լուիզա ՍՈՒՔԻԱՍՅԱՆ
