Երեկ երեկոյան «Forty-Four Sky Bar»-ում տոնական միջավայր էր՝ նշվում էր Mtv.am հայկական երաժշտական հեռուստաալիքի գործունեության 9-րդ ամյակը: Միջոցառմանը ներկա էին հայկական էստրադայի հայտնի աստղերը, բլոգերները, ինչպես նաև հեռուստաընկերության պաշտոնական գործընկերները:
Mtv.am-ի երաժշտական խմբագիր Անի Հովհաննիսյանը նշեց, որ իրենց համար սա իսկապես իրական տոն է, քանի որ աշխատում են երկար տարիներ եւ սա իր համար իսկական սեր է:
«Միս Հայաստան 2000» Իրինա Թովմասյանը ավագ դստեր՝ Մեգիի հետ ներկա էր միջոցառմանը. «Շատ ուրախ եմ, որ այս ալիքը այստեղ է հեռարձակվել: Ամեն դեպքում, այն որ հայ երգիչներին ճանաչում են դրսում՝ Mtv.am-ի շնորհիվ է նաեւ»,- Aravot.am-ի հետ զրույցում նշեց Իրինա Թովմասյանը:
Այս միջոցառման հետ առնչությունը կայանում էր նրանում նաեւ, որ Մեգիի տեսահոլովակը եւս ցուցադրվելու է այդ ալիքով. «Սա էլ է ոգեւորիչ ինչ որ հանգամանք դառնում, որ ավելի շատ աշխատես եւ հետաքրքիր բաներ ստեղծես»,-նշեց երգչուհու մայրիկը:
Կարդացեք նաև
Պատանի երգչուհի Դալիթան, որը նաեւ երգեց միջոցառման ժամանակ, մեր հետ զրույցում ասաց, որ ուրախ է հայ էստրադային ներկայացուցիչների տեսահոլովակները պարբերաբար Mtv.am-ով պարբերաբար տեսնելու համար, քանի որ այն նաեւ ցուցադրվում է արտասահմանում. «Ես եւ Վլադիմիր Արզումանյանը լինելով պատանի ներկայացուցիչներ՝ եւս ընդգրկված ենք այդ նախագծում: Սա հրաշալի առիթ է, որ տեսահոլովակները mtv.am-ի միջոցով «կպտտվեն» շատ երկրներում եւ մեր գործունեության մասին շատերը կիմանան»:
Երգիչ Վարդան Բադալյանն էլ մեր հետ զրույցում ասաց, որ եթե մի գործ ես անում, աշխատում ես այնպես անել, որ ինչ որ չափով սիրվի այն, կամ՝ ինչքան որ լավ ես գործը անում, այնքանով էլ սիրվում է այն. «Կան գործեր, որ ես էլ չեմ սիրում եւ երգում եմ ոչ իմ ցանկությամբ՝ պատվերով»:
Երգիչը նշեց, որ Mtv.am-ի ցուցադրման միջոցով եղել է, որ Ռուսաստանից մենահամերգների հրավեր է ունեցել. «Մեր հայությունը քանի որ ապրում է հիմնականում Ռուսաստանում եւ Ամերիկայում՝ հյուրախաղերի մեկնում ենք ավելի շատ այդ երկրներ, որնի օգնում է նաեւ Mtv-ին՝ մեր տեսահոլովակները պարբերաբար ցուցադրելու միջոցով եւ քանի որ հիմա մարդիկ ավելի շատ նախապատվությունը տալիս են ինտերնետային դիտումներին, այդ պատճառով Mtv.am-ը մեծ ապագա ունի»:
Mtv.am-ը տարիների արդյունքում առանձնացրել է լսարանի կողմից սիրված արտիստների անունները, որոնց են՝ Արամ mp3-ն, Հայկոն, Լիլիթ Հովհաննիսյանը, Սոֆի Մխեյանը, Միհրան Ծառուկյանը եւ այլն:
Անուշ ՄԱԹԵՎՈՍՅԱՆ
