ՀՀ առողջապահության նախարարության առողջապահական գործակալության պետ Սարո Ծատուրյանը հրաժարվում է մեկնաբանել, թե ինքն ինչ կապ ունի առողջարանային կեղծ ուղեգրեր պատրաստելու եւ իրացնելու հետ, որի առնչությամբ հարուցված քրեական գործի շրջանակներում նա նախ ձերբակալվեց, ապա ազատ արձակվեց, եւ նրա նկատմամբ, որպես խափանման միջոց, ընտրվեց չհեռանալու մասին ստորագրությունը։ «Բնականաբար չեմ կարող որեւիցե մեկնաբանություն տալ, որովհետեւ այդ գործը դեռ շարունակվում է»,- ասաց Ծատուրյանը։
Նա նաեւ չհաստատեց, որ իրավապահ մարմինների առջեւ ստանձնել է լռություն պահպանելու պարտավորություն։ «Չէ, նման բան չկա, ուղղակի նպատակահարմար չէ, որ մեկնաբանություն տամ։ Քրեական գործ է հարուցված, քննություն է ընթանում, կարծում եմ՝ քննությունը բոլոր հարցերի պատասխանները կտա։ Ես չեմ կարող մեկնաբանել գործի հանգամանքները»,- նշեց նա։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
