ՀՀ ԱԺ պատգամավոր Էդմոն Մարուքյանը, խոսելով նոր Սահմանադրության դրույթների կիրառության հետ կապված խնդիրներից, այս օրինակը բերեց: Նա մանրամասնեց. «Երբ խուզարկում էին Ժիրայր Սեֆիլյանի բնակարանը, փաստաբանը ներկայացել էր, դռան մոտ կանգնել, քաղաքացիներն ու ոստիկաններն էին կանգնած, ոստիկանները զեկուցեցին, քննչական մարմինն ասում էր`թույլ չտաք մտնի:
Մինչդեռ անձը փաստաբանական օգնություն ստանալու իրավունք ունի: Փաստորեն, Սահմանադրության կիրարկողը տվյալ դեպքում քննչական խմբի ղեկավարն էր, որը թույլ չտվեց ներս մտնել: Ուստի իշխանության կիրառությունից է կախված, թե որքանով մարդիկ կհարգեն Սահմանադրությունը»:
Պարոն Մարուքյանը մեկ այլ օրինակ էլ բերեց. «Դեռ ոչինչ չսկսած, Վանաձորի քաղաքացիներին զգուշացնում են, թե ինչու եք ֆեյսբուքում Էդմոն Մարուքյանի կամ «Լուսավոր Հայաստանի» նյութերը լայքում:
Այս ամենը վկայում է այն մասին, որ որևէ դրական փոփոխություն չի լինելու: Եթե մարդիկ ֆեսյբուքի լայքերը չեն հանդուրժում, մարդկանց ո՞նց են հանդուրժելու»:
Կարդացեք նաև
Տաթև ՀԱՐՈՒԹՅՈՒՆՅԱՆ
