«Առավոտը» այս օրերին Հայաստանում գտնվող Բյուրականի աստղադիտարանի նախկին գիտաշխատող, այժմ ամերիկաբնակ պրոֆեսոր Վլադիմիր Հայրապետյանից, որը ներկայումս աշխատում է ՆԱՍԱ-ում (National Aeronautics and Space Administration) եւ դասավանդում Ջորջ Մեյսոնի համալսարանում, հետաքրքրվեց՝ հնարավո՞ր է վերականգնել Բյուրականի աստղադիտարանի նախկին փառքը:
«Կարծում եմ՝ անպայման հնարավոր է, բայց աստղադիտարանի խնդրից զատ՝ կա ավելի բարդ խնդիր, դա ողջ Հայաստանի գիտական պոտենցիալի վերականգնումն է: Այսինքն` Բյուրականը մեծ խնդրի փոքր մասն է, նախ պետք է մեծացնել գիտության արդյունավետությունը: Որքան հասկանում եմ, ցավոք, այսօր Հայաստանը շարունակում է աշխատել խորհրդային օրինակով, որտեղ Գիտությունների ակադեմիան հիմնական ինստիտուտն է, վերահսկող ու բաշխող օրգանը: Հայաստանում դեռ որոշվում է մեկ կենտրոնում՝ ինչպես խորհրդային հիերարխիայի ժամանակ: Իսկ գիտությունը չի կարող աշխատել հիերարխիայով:
Այդ Կոմունիստական կուսակցությունն էր աշխատում հիերարխիայով: Հիմա իբր խոսում են դեմոկրատիայից, բայց ամեն ինչ առաջվանն է մնացել: Պետությունը թող զբաղվի բանակով, կապով, հեռախոսով, փոստով, գետերով, դաշտերով, իսկ գիտությունն ու տնտեսությունն իրենք պետք է որոշեն` ինչպես զարգանալ»,- համոզված է Վլադիմիր Հայրապետյանը:
Գիտնականի հետ հարցազրույցը՝ առաջիկայում:
Լուսանկարը` ԳՈՀԱՐ ՀԱԿՈԲՅԱՆԻ
Կարդացեք նաև
«Առավոտ»
02.07.2016
