Օրգանիզմի ջրազրկման պատճառ կարող են դառնալ շաքարային դիաբետը, սթրեսը, հղիությունը եւ օրվա ընթացքում միրգ-բանջարեղենի պակասը
Մասնագետները պնդում են, որ ծարավի զգացողությունը ոչ մի պարագայում չպետք է անտեսել, քանի որ այն մասնակցում է մեր օրգանիզմում կատարվող բոլոր գործընթացներին եւ օգնում՝ օրգանների բնականոն աշխատանքին: Հենց ջուրն է, որ կարգավորում է մարդու մարմնի ջերմաստիճանը եւ նպաստում է տոքսինների հեռացմանը: Այն նաեւ նպաստում է բջիջներում օգտակար նյութերի եւ թթվածնի շրջանառությանը: Ինչպես նաեւ ապահովում է մաշկի եւ հոդերի առողջությունը:
Ջրի անբավարարությունը հանգեցնում է հանքային նյութերի անբավարարությանը, ինչպիսիք են կալիումը, կալցիումը, նատրիումը եւ այլն:
Հանգեցնում է սրտի հաճախախփությանը՝ առիթմիային եւ վատացնում է գլխուղեղի աշխատանքը:
Ինչքան հեղուկ է անհրաժեշտ մարդուն:
Կարդացեք նաև
Գիտնականները պնդում են, որ նորմալ իրավիճակում մարդու օրգանիզմը կորցնում է 2,5 լիտր հեղուկ՝ շնչուղիների, քրտնարտադրության, միզարձակելու եւ աղիների գործունեության հետեւանքուվ:
Որպեսզի հեղուկի կորուստը բացասաբար չազդի օրգանիզմի գործունեության վրա, պետք է անընդհատ լրացնել պակասը, որը, ըստ դիետոլոգների, կազմում է օրվա ընթացքում 2,5-3 լիտր ջուր:
Լինում են առանձին դեպքեր, երբ մարդուն անհրաժեշտ է օգտագործել մինչեւ 7 լիտր ջուր: Այդ դեպքերն են՝ սպորտով զբաղվելիս կամ երկար ժամանակ արեւի ուղղիչ ճառագայթների տակ գտնվելը, աղիքների խանգարման ժամանակ, բարձր ջերմության դեպքում, կանանց մոտ առատ դաշտանի, ինչպես նաեւ տարբեր դիետաների՝ հատկապես սպիտակուցային, ժամանակ:
Օրգանիզմի ջրազրկման պատճառ կարող են դառնալ շաքարային դիաբետը, սթրեսը, միզամուղ հաբերը, հղիությունը եւ օրվա ընթացքում միրգ-բանջարեղենի պակասը:
Մթերքներ, որոնք նպաստում են օրգանիզմի ջրազրկմանը՝
Ալկոհոլային խմիչքներ, որոնք ունեն միզամուղ հատկություն, որի շնորհիվ էլ օրգանիզմից դուրս է գալիս մեծ քանակությամբ հեղուկ:
Պաղպաղակ եւ շոկոլադ: Նրանցում պարունակող շաքարի պարունակության շնորհիվ օրգանիզմը մաքսիմում օգտագործում է օրգանիզմի հեղուկը, որի հետեւանքով էլ ջրազրկվում է:
Ընդեղենը, որոնք 2 տոկոս ջուր են պարունակում եւ մեծ քանակության սպիտակուցներ, որոնք էլ նպաստում են ջրազրկմանը:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
02.07.2016
