Բասկետբոլի Հայաստանի տղամարդկանց ազգային հավաքականը Քիշնեւում անցկացված փոքր երկրների Եվրոպայի առաջնության եզրափակչում 79-71 հաշվով հաղթելով Անդորրային՝ նվաճեց չեմպիոնի կոչումը:
Գլխավոր մարզիչ Տիգրան Գյոկչյանի ղեկավարած թիմը շնորհիվ մարզաձեւի հարուստ ավանդույթները վերականգնելու ուղղությամբ ՀԱՕԿ-ի եւ Բասկետբոլի ազգային ֆեդերացիայի վերջին շրջանում կատարած կազմակերպական լուրջ աշխատանքի, առաջին իսկ փորձից նվաճեց չեմպիոնի տիտղոսը՝ վճռորոշ հանդիպումում գահընկեց անելով արդեն նախկին չեմպիոն Անդորրային:
Առաջնության լավագույն բասկետբոլիստ ճանաչվեց Անդրե Սպայթ Մկրտչյանը:
Այս հաջողությունը մերոնց եկող մրցաշրջանում Եվրոպայի առաջնությանը մասնակցելու իրավունք տվեց:
Կարդացեք նաև
Աշոտ ՀԱԿՈԲՅԱՆ
