Թբիլիսիում տեղի ունեցող ԵԱՀԿ 25-րդ Վեհաժողովի տնտեսական, գիտության և տեխնոլոգիաների հանձնաժողովի նիստում այսօր ելույթ է ունեցել ԲՀԿ խմբակցության պատգամավոր, ԵԱՀԿ ԽՎ անդամ Միքայել Մելքումյանը՝ էներգետիկայի, արդյունաբերության, շրջակա միջավայրի պահպանության և փախստականների հարցերով զեկույցի շրջանակներում:
Մելքումյանը, ի թիվս այլ հարցերի, խոսել է նաեւ ապրիլին Ադրբեջանի կողմից Լեռնային Ղարաբաղի դեմ սանձազերծած ագրեսիայի, խաղաղ բնակչության նկատմամբ իրականացված ռազմական հանցագործությունների՝ զինվորների եւ քաղաքացիական անձանց խոշտանգումների եւ միջազգային բոլոր կոնվենցիաներով անթույլատրելի վայրագությունների մասին։ Պատգամավորը խոսել է նաեւ Թալիշի, Մատաղիսի, Մարտակերտի և այլ բնակավայրերի դեմ կիրառված կործանիչ զինատեսակների եւ Ադրբեջանին հարձակվողական զենքի վաճառքի անթույլատրելիության մասին:
Միքայել Մելքումյանը միջազգային կառույցներից պահանջել է Ադրբեջանի կողմից կատարված ռազմական հանցագործությունների տալ քաղաքական և իրավական գնահատական:
ԲՀԿ մամուլի ծառայություն
