ՀՀԿ նիստից հետո ԶԼՄ-ների հետ հանդիպմանը հնչած հարցին, թե կոռուպցիայի դեմ պայքարի շրջանակներում «Հետք» պարբերականի աղմկահարույց հրապարակմանը, թե ֆինանսների նախարարի որդիները Լոս Անջելեսում $ 11 միլիոնով առանձնատուն էին գնել եւ հիմա վաճառում են $ 35 միլիոնով, իսկ այսօր նախարար Գագիկ Խաչատրյանը, կարծես, հաստատել է, որ իր որդիները խոշորածավալ բիզնեսով են զբաղվում: Դուք վստա՞հ եք, որ նախարարը չի աջակցի իր որդիների բիզնես գործունեությանը, Էդուարդ Շարմազանովը պատասխանեց. «Անկախ հարցից, Հայաստանում ամեն ինչ պետք է լինի օրենքի շրջանակներում: Եթե կա օրենքի հետ խնդիր, կարող եք զբաղվել: Եթե կա անօրինականություն, անկախ նախարարից, պատգամավորից, անգամ փոխնախագահից, կա իրավական եզրույթ: Ես չեմ այն պաշտոնյան, որ այդ մասին պետք է խոսեմ: Մանավանդ, որ ես օրենքի խախտման, կամ հակառակի մասին որեւէ տեղեկություն չունեմ»:
Աշոտ ՀԱԿՈԲՅԱՆ
