Արդեն 2.5 ամիս է անցել ՀՀ ԱԺ պաշտպանության, ազգային անվտանգության եւ ներքին գործերի ու ՌԴ Դաշնային ժողովի Դաշնության խորհրդի պաշտպանության եւ անվտանգության կոմիտեի երեւանյան համատեղ նիստից, բայց համատեղ ընդունվելիք հայտարարության տեքստն այդպես էլ չի հրապարակվում:
Չհրապարակված հայտարարության մասին «ՀԺ»-ն նորից զրուցել է Կորյուն Նահապետյանի հետ։
– Ինչո՞ւ այդքան բարդացավ այդ գործը։ Չէ՞ որ խոսքն ընդամենը երկու հանձնաժողովների հայտարարությանն էր վերաբերում։
– Չի բարդացել։ Կարծում եմ, ճիշտ կլինի այդ հարցն ուղղել ռուսական կողմին եւ իրենցից ստանալ պատասխան։ Մենք որոշակի ժամանակահատվածում եւս մեկ անգամ կփորձենք կապ հաստատել, բայց եկեք չբացառենք, որ ռուսական կողմն ինքը պատասխան ունենալու պարագայում մեզ տեղյակ կպահի այդ մասին։
Կարդացեք նաև
– Փաստորեն, ձեր մի քանի զանգերն էլ արդյունք չտվեցին, եւ ՈԴ-ում այդքան անլուրջ են վերաբերվում այդ հայտարարությանը, որ անուշադրության են մատնել։
– Անլուրջ չեն վերաբերվում։ Որքան էլ փորձեք այդ համատեղ հայտարարության շուրջ նման անհանգստություն ապրել եւ մեծ հետաքրքրություն առաջացնել, դա սովորական գործընթաց է, եւ պետք չէ սեւեռվել այդ խնդրի վրա ու ցույց տալ, որ իրականում մենք կորուստ ենք ունեցել։
Նիստի ժամանակ մենք մեր ռուս գործընկերների հետ բավական խորը բազմակողմանի քննարկում ենք ունեցել բազմաթիվ խնդիրների շուրջ՝ սկսած ռազմաքաղաքական իրավիճակի, դրա զարգացումների, ռազմատեխնիկական, ռազմարդյունաբերական ոլորտներում համագործակցության մասին։
Եվ մեր գործընկերները, ինչպես նաեւ մեր հանձնաժողովի անդամները հնարավորություն են ունեցել արտահայտել իրենց անհանգստությունն առանձին գործողությունների շուրջ։
Արմինե ԱՎԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
