Ծարավ աղբյուր-Ռուբինյանց փողոցների խաչմերուկում վերջապես գծանշվեց հետիոտնային անցում: Մինչ այժմ բնակիչները մեծ փորձության էին ենթարկվում՝ մինչեւ այս հատվածից փողոց էին անցնում: Սակայն ոչ թե Ծարավ աղբյուրի նորակառույց շենքերում ապրող բնակիչների բողոքները հաշվի առնելով որոշվեց նման միջոցառում իրականացնել, այլ պատճառն այն է, որ երեկ Ծարավ աղբյուրի նորակառույց թաղամաս էր ժամանել ՀՀ նախագահ Սերժ Սարգսյանը` ներկա գտնվելու Ավան 4 բազմաբնակարան համալիրի բացման հանդիսավոր արարողությանը: Հենց այս կապակցությամբ էլ բացի փողոցի գծանշումներից՝ նաեւ մաքրվել է տարածքը, հնձվել է «դարավոր» խոտը: Մի խոսքով` տարածքի բնակիչները կատակում են` «խեր լինի, Սերժ Սարգսյանը եկավ, որոշեցին մեզ էլ բանի տեղ դնել»:
Որոշներն էլ երանի են տալիս. «Երանի Սերժ Սարգսյանը երթուղայինով երթեւեկեր, որ միանգամից այս տարածքում տրանսպորտի հարցն էլ լուծվեր, քաղաքապետարանը մի քանի երթուղային գիծ բերեր այս տարածք»: Նշենք, որ այս մասին էլ տարիներ շարունակ ահազանգում են տարածքի բնակիչները:
Լուսանկարը՝ ՏԱԹԵՎ ՀԱՐՈՒԹՅՈՒՆՅԱՆԻ
Կարդացեք նաև
«Առավոտ»
29.06.2016
