«Այդ խնդիրն ID քարտերով եկեք չպայմանավորենք, իրենք դեռ վաղուց են տանում այդ գործընթացը եւ որ մի քանի հազար ստորագրություն են բերում, ասում են` մարդիկ դեմ են` դա խնդիր է, որի լուծումը գտնենք»,- Aravot.am-ի հետ զրույցում ասաց ԱԺ պետաիրավական հարցերի հանձնաժողովի նախագահ Հովհաննես Սահակյանը:
Խնդիրն այն է, որ «Ընդդեմ մարդկանց համարակալման» շարժումը` պայմանավորված առաջիկա ընտրություններում միասնական փաստաթղթով, ID քարտերով, ընտրությունների անցկացման, կրկին պատրաստվում է լայնածավալ հակաքարոզի: Նրանք նամակով դիմել են ԱԺ պատգամավորներին` զգուշացնելով. «Նույնականացման քարտերի ստիպողաբար ներդրումը, ինչպես նաև մատնահետքերի հանձնելու պարտադրանքը, Հայաստանի Սահմանադրության խախտում է, քանի որ այն ոտնահարում է անմեղության կանխավարկածը և վիրավորական է բազմաթիվ իմաստներով, ինչպես նաև, դաժան վերաբերմունք է: Մենք նաև պնդում ենք, որ կան բազմաթիվ մեթոդներ կեղծել ընտրությունները, որոնց դեպքում մատնահետքերը օգնել սկզբունքորեն չեն կարող:
Օրինակ ՝ իշխանությունները կոպիտ, բռնի ուժով վերջում պարզապես ոչնչացնելու են իրենց դեմ քվեարկողների թերթիկները և փոխարինելու են ուզած պատասխանով ՝ պահպանելով թերթիկների քանակը: Լինելու է նաև ընտրողների կամ հանձնաժողովի կաշառք»:
Հովհաննես Սահակյանն ասում է, որ իբրեւ հանձնաժողովի նախագահ, ինքն ընդունել է շարժման նախաձեռնողներին, խոսել են ու պայմանավորվել են, որ լրացուցիչ տեղեկություններ հավաքեն ու առաջիկայում, շահագրգիռ բոլոր կողմերի մասնակցությամբ քննարկում անցկացնեն:
Կարդացեք նաև
Նելլի ԳՐԻԳՈՐՅԱՆ
