Փոխվել է ՀՀ պաշտպանության նախարարության սպառազինության վարչության նախկին պետ, գեներալ-մայոր Մելսիկ Չիլինգարյանի խափանման միջոցը: ՀՀ Գլխավոր դատախազության հանրային կապերի բաժնից տեղեկացանք, որ խափանման միջոցը փոխվել է նրա առողջական խնդիրների պատճառով:
Հիշեցնենք, որ մայիսի 20-ին Սերժ Սարգսյանի հրամանագրով գեներալ-մայոր Մելսիկ Չիլինգարյանն ազատվել է ՀՀ զինված ուժերի սպառազինության պետ-վարչության պետի պաշտոնից: Մայիսի 30-ին ՀՀ քննչական կոմիտեի զինվորական քննչական գլխավոր վարչության ՀԿԳ քննության վարչության վարույթում քննվող քրեական գործերի շրջանակներում ձերբակալվել է 3 անձ, այդ թվում՝ Մելսիկ Չիլինգարյանը: Վերջինս հունիսի 3-ին կալանավորվել է, հունիսի 4-ին՝ տեղափոխվել Երեւանի կայազորային հիվանդանոց: Նա մեղադրվում է ՀՀ քրեական օրենսգրքի 375 հոդվածի 2-րդ մասով նախատեսված արարք կատարելու մեջ:
Լուսանկարը՝ yerevan.today-ի
Ոսկան ՍԱՐԳՍՅԱՆ
ԸՍՏԵՂԵԼ ԶԱԴՆԻ ՏՎԻՆ ՔԱՂԲԱՆՏԱՐԿՅԱԼՆԵՐԸ ՄՆԱՑԻՆ