«Չեխիայի Հանրապետությունը, ինչպես ԵԱՀԿ անդամ երկրների ճնշող մեծամասնությունը, լիովին հավատարիմ է 1992 թվականի ԵԱՀԿ-ի կոչին՝ Լեռնային Ղարաբաղի կոնֆլիկտի կողմերին սպառազինություն չմատակարարել», «Առավոտ»-ի տված բացառիկ հարցազրույցում հայտարարեց Հայաստանում Չեխիայի Հանրապետության արտակարգ եւ լիազոր դեսպան՝ Պետր Միկիսկան:
«Ցավոք սրտի, ոչ բոլոր ԵԱՀԿ անդամ երկրներն են նույն կերպ վարվում, դրանով իսկ թույլ տալով բռնության եւ մարդկային կորուստների էսկալացիա Լեռնային Ղարաբաղ եւ Ադրբեջան շփման գծում կամ Հայաստան-Ադրբեջան սահմանին: Վստահեցումը, թե «այլ պետությունները» կոնֆլիկտի կողմերին սպառազինություն կմատակարարեն, կամ «պարզապես բիզնես է», դա միայն արդարացնում է հակամարտության թեժ փուլը հրահրելը», հավելեց դեսպանը:
ՀՀ-ում Չեխիայի Հանրապետության արտակարգ եւ լիազոր դեսպան Պետր Միկիսկայի հետ բացառիկ հարցազրույցը կարդացեք հունիսի 29-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
